PRAKRUTI गीत 1

ધોરણ:1
પ્રકૃતિ ગીત
ધરતીમાતા
ધરતી, ધરતી, તું છે માતા!
જીવ બધાં તુજથી પોષાતા
રમીએ અમે તારો ખોળો ખૂંદતા
હસીએ તારું રૂપ નીરખતા
ધરતી, ધરતી, તું છે માતા!
મધુ હોય કે શેરડીના સાંઠા
તળ, તળાવ ને નદી દરિયા
પર્વતની જોઈ હારમાળા!
ધરતી વિના એ ક્યાં સમાતા?
ધરતી, ધરતી, તું છે માતા!
ફૂલો કેવાં તુજથી નીખરતા?
ફળો કેવા લૂમતાં ઝૂમતાં?
પશુ પંખીની ભૂખ ઠારતા
માનવ માટે તાકાત બનતા
ધરતી, ધરતી, તું છે માતા!
ખોળો તારો, એક વિશાળતા
એમાં કેટલાં ધન સમાતાં?
રત્ન હોય કે ખનિજ સંપદા
ધરતી વિના કોણ સંઘરતા?
ધરતી, ધરતી, તું છે માતા!