સંવાદ

સંવાદ
વાદ કરીને લાગણી સાથે, સંવાદ શરૂ કરું છું,
પ્રેમનો એકતરફી ભલે, પણ પ્રવાહ શરૂ કરું છું.

સંવાદે ઔપચારિકતા નહીં, આર્ત હૈયાનો આપું છું,
ન વહે વાણી થઈ વિચાર, એને ખોવાયેલો ખજાનો ગણું છું.

સંવાદમાં પણ બધે વાદનું પ્રચલન, હું જોઉં છું,
મીઠાશ પણ પ્રમાણમાપ સાથે વપરાતી જોઉં છું.

સંવાદ પણ માણે છે કે હું વિવાદાસ્પદ બનું છું, સનસનીખેજ મળે માટે તડપતાં મન હું જોઉં છું.

મન ન મળે તો વિવાદ, ને મળે મન તો સંવાદ બનું છું, પણ વિમર્શ સાથે જ હું એકાકાર થઈ મળું છું.

સંવાદ ને કોઈક વાદ બનીને નડતાં પણ જોઉં છું તો સંબંધમાં આવતો વિરામ દૂરથી જ હું જોઉં છું. ©અર્ચિતા દીપક પંડ્યા