આમ કર
અક્ષરોમાં તોળવાનું મૂકી હવે તું વાત કર
કરવી જ હોય વાત લાગણીની તો કામ કર
મૂક ભલે રહે મેળવી લે નજરથી નજર
મળશે આંખ્યું તો વાત વહેશે અંદરોઅંદર
ઉપદેશે સહુ પંડિત, '' આમ કર, તેમ કર"
પણ દિલ કહે સાચું તું ઝાઝો વિચાર ન કર
ઉપરવાળો કહે તો જ ધબકે, નહીં તો નહીં
દિલને જ પ્રભુનો સાચો સાગરિત તું સમજ
કુદરતનાં જ છોરું મદાર એની પર કર
હર દિલમાં બેઠો રામ એનો તું લિહાજ કર
વાત મારી છે એટલે માન, ન એવી વાત કર
જે ઊગે છે તારા હૈયામાં એને જ સલામ કર
©અર્ચિતા દીપક પંડ્યા
No comments:
Post a Comment