બદલાવ
મોસમ બદલાશે
અને, હું પણ
ફરક એટલો કે
હું હર મુકામે
વધુ પ્રગાઢ
થાઉં છું.
મારી સંવેદના
મારો પ્રેમ
મારી અનુભૂતિ
ધીરે ધીરે
બળવત્તર થાય છે,
મારા કાળા વાળ
જેમ વધુ ને વધુ
સફેદ થઈ રહ્યા છે..
જિંદગી સાથે
એક પરિપક્વ પ્રેમ થઈ રહ્યો છે.
અને એક વખત
કુદરત પણ
એક નામ, એક અસ્તિત્ત્વ
એવા એક ખાતાને
કાયમી ક્લોઝ કરશે
શ્વાસની ચાવીથી
અને અઢળક અનુભવો
સાથે હું પોતે
અદ્રશ્ય થઈ જઈશ....
ધીરે ધીરે
લોકોની સ્મૃતિમાંથી પણ...
નવું નામ મળશે
ત્યારે 'હું ' એ જ ' હું' હશે કે?....
©અર્ચિતા દીપક પંડ્યા
No comments:
Post a Comment