તમે માનો કે ન માનો
લોહીનો સંબંધ
તો બોલે જ
સંબંધોની દુનિયામાં
દિલનો સંબંધ
પણ
અનુભવાય તો સારું.
સંબંધને નામ આપી દો
તો ફરજિયાત છે,
બંધનમાં રહેવું...
વગર બંધને જોડતો
સંબંધનો તાર
પણ
અનુભવાય તો સારું.
એ માંગે અને
તું ન્યોછાવર થવા
છે તૈયાર
જો એ માંગણી
વગર બોલે
પણ
અનુભવાય તો સારું.
દરરોજ રહીને સાથે
માણીએ ઐક્ય
ક્યાં નવાઈ?
રહીએ જૂદા છતાં
ઐક્ય
પણ
અનુભવાય તો સારું.
©અર્ચિતા દીપક પંડ્યા
No comments:
Post a Comment