વહાલુડાને
તારી પગલી નાની, તને દૂર લઈ જશે
નહોતી ખબર!
રમતો જે ખોળો ખૂંદી , દૂર દેશે વસી જશે
નહોતી ખબર!
નાની આંખની કીકી,સપનાં સેવી લેશે
નહોતી ખબર!
ફળિયું લાંઘી જલ્દી, દુનિયા ફરી લેશે
નહોતી ખબર!
અણગમા છોડી,મન મોકળું કરી લેશે
નહોતી ખબર!
ખબર એટલી જ છે, લાલ, હું જાણું છું
કસોટી સાંગોપાંગ પાર કરી લેશે
આસ્તિક બની આશિષ લઇ લેશે
પ્રેમ વહેંચશે અને પ્રેમ પામી લેશે
જીવશે મન ભરીને 'ને નામના મેળવી લેશે
બસ, એટલી ખબર!
બસ, એટલી ખબર!
©અર્ચિતા દીપક પંડ્યા
No comments:
Post a Comment