અસવાર
હા, અસવાર છું
જીવન નામનાં ઘોડા પર!
છે ચાબૂક મનોબળની
અને શ્રદ્ધાનું જીન વળી!
જાગ્યો, ત્યારની
આ સફર છે શરુ અહીં.
વટાવ્યા અનેક મુકામ
બાળપણ, યુવાની અને જરા
જીવનની ચાલ પણ
ધીમી થઈ છે જરા!
કહે છે એની હાંફ
થોડું અટકીને દોડ
સફરમાં હવે ગ્રહીને દોડ!
છોડી તું બધા બોજ,
મન મૂકીને દોડ!
મંઝિલ આવશે જેમ નજીક
છોડાવશે સામાન કંઈક!
સાથે રહેશે માત્ર
અનુભવનું ભાથું!
માણીને હર સંવેગ
છોડતાં શીખવાનું!
છું માત્ર અસવાર
જીવનનાં ઘોડા પર...
આખરી મંઝિલ એ તો
અંત જ, હર પળ જાણવાનું!
©અર્ચિતા દીપક પંડ્યા
No comments:
Post a Comment