કંઈક ખાસ
વારંવાર જોઉં
તારીખીયું ફેરવી ફેરવીને
કેમ આજે તહેવાર જેવું લાગે?
તિથિ, દિન, વાર બધું
કંઈ વિશેષ કેમ લાગે?
ઊગ્યો સૂરજ,
'ને એ ય
મીઠું હસતો લાગ્યો!
મર્માળુ કંઈક મલકતો લાગ્યો!
છાની અંતરની વાત
એ પણ સમજતો લાગ્યો!
કહ્યું મેં ;" કેમ રે! મજાક કરે છે?"
હૂંફાળું એ હસ્યો
' ને સોનેરી કિરણો
થોડાક વેરાયાં... અવાજ આવ્યો;
"સવાર તો હું આવી જ ઊગાડું છું રોજ;
થોડીક તારા મનમાં પણ રોજ
ખુશી ઊગાડવાની આદત રાખ!"
©અર્ચિતા દીપક પંડ્યા
No comments:
Post a Comment