આરામ
હું આરામ શોધું અને મારો આરામ મને
ટેવ ખાલી પરબીડિયા સાથે કેવી ફરે !
દોડે શરીર બધે ને એ સાવ ખાલી લાગે
માંહ્યલો માંહોમાંહ કાયમ મુંઝાતો લાગે !
અટવાતી ઈચ્છામાં જવાબદારી ઠેલો મારે
રોજ વધુ એક દોડવાનું બહાનું થઇ લાગે
સુકુન મળે એવા શુકનનો અણસારો ભાગે
હાંફતા દાયકાઓ કેવા પાછળ રહી ભાગે
છ ફૂટ વિરામનો ટુકડો હોંશથી રાહ જુએ
થઈને મા ઘડપણે હુંફાળો ખોળો કરી આપે ! ...
No comments:
Post a Comment