હળવાશ
સુંવાળી આંગળીઓનો સહેજ વિચાર કરજો
ઉપાડે એ ભારે દફતર રોજે તમે સંભાળજો
કુણા મન પર લાદ્જો ને જરા બોજો ઓછો
હાથ તો ઠીક મગજને ય ચડી જાય સોજો
મન માંગે નદી,કોતરો ,ખેતરો અને ડુંગરો
પણ ચોપડિયા રસ્તા આડે ફેલાયા છે કોસો
આવળ બાવળ ન વાગે કે બોરડીનો કાંટો
પણ ક્યારેક ચૂભે જરૂર ઘડિયાળનો કાંટો
મોજીલા મનને વિકાસનો વિસ્તાર આપો
કેમ સહુ એમને હરીફાઈની તાણ આપો ?
બોજો,તાણ ને ઉપાધિની વારસાઈ ને ટાળો
જીંદગી જીવવા શ્વાસ સહુ ખુલ્લા આપો
નાના બાળને મશીન થવાનો શ્રાપ ન આપો
ઉચ્છવાસ સાથે ય હળવાશ રહે ખ્યાલ રાખો.
No comments:
Post a Comment